Barundiang Caro Minang

Rundiang Maantaan Kapan


Sutan Batuah
:
Sutan Maha Rajo…! Nak manitah sapatah
Sutan Maha Rajo
:
Lai… sabalun kato bajawek gayuang basambuik ambo pa iyoan sapatah
Sutan Maha Rajo
:
(mampaiyoan ka sipangka ) Ba a tu Malin..! lah tibo pulo ulak jo olay dari satampuah lalu sabondong suruik.
Malin
:
Biaso kato bajawek gayuang basambuik..
Sutan Maha Rajo
:
Singkek bauleh, kurang batukuak
Malin
:
Kapado Allah..
Sutan Maha Rojo
:
Laluanlah kato baliau Sutan Batuah..!
Sutan Batuah
:
Sabalun buah panitahan mbo tiboan ka bake sutan, adaik kito barudiang di dapan niniak jo mamak angku sagalo guru rela jo maaf kito mintak kabake baliau, buah panitahan mbo tiboan ka bake sutan.
Sutan Maha Rajo
:
Sabuik Sutan
Sutan Batuah
:
A nan kamanjadi buah panitahan ka bake sutan kiniko, ma agak dihari nan sahari nangko malang taraiah mujua tatulak lah bapulang urang tuo kito ka warah matullah..!, mako bardirilah anak jo bapak, karik kabia, ipan bisan sarato buek arek karang nan badagok, mambaoan nan sapanjang adat. A nan sapanjang adat, di rokok nan sabatang, di siriah nan sacabiak di pinang nan sagatok, ba a kalaluannyo di rokok nan sabatang, siriah nan sacabiak, pinang sagatok, balaianyo lah sampai kapulau, bajalan lah sampai ka bateh, bakato lah baranti, tapi lambak lampisan di ateh nan tun buah panitahan nan batiboan ka bake sutan manuruik pasa nan biaso Bapak mati bakalang anak, anak mati bakalang bapak, sakarang lah terdahulu bapak dari pado anak, mangko anak mambaoan nan sapanjang adaik, ba a kalaluannyo nan sapanjang adaik, pitih nan babilang, kain nan balipek, di papan nan sabilah, sapanjang adaik nan batatiang ka tangah rumah mintak di tarimo suko jo muluik nan manih jo hati nan suci. Ikolah buah panitahan nan batiboan ka bake sutan
Sutan Maha Rajo
:
Tibonyo lah sampai sutan..?
Sutan Batuah
:
Sakiro-kiro
Sutan Maha Rajo
:
Sabalun buah panitahan mbo kumbalian ka bake sutan, adaik kito barudiang di dapan niniak jo mamak angku sagalo guru rela jo maaf kito mintak kabake baliau, buah panitahan mbo kumbalian ka bake sutan.
Sutan Batuah
:
Bana Sutan
Sutan Maha Rajo
:
A nan kamanjadi buah panitahan di sutan ka bake ambo kiniko, ma agak dihari nan sahari nangko malang taraiah mujua tatulak lah bapulang urang tuo kito ka warah matullah..!, mako bardirilah anak jo bapak, karik kabia, ipan bisan sarato buek arek karang nan badagok, mambaoan nan sapanjang adat. A nan sapanjang adat, di rokok nan sabatang, di siriah nan sacabiak di pinang nan sagatok, ba a kalaluannyo di rokok nan sabatang, siriah nan sacabiak, pinang sagatok, balaianyo lah sampai kapulau, bajalan lah sampai ka bateh, bakato lah baranti, tapi lambak lampisan di ateh nan tun buah panitahan nan batiboan ka bake sutan manuruik pasa nan biaso Bapak mati bakalang anak, anak mati bakalang bapak, sakarang lah terdahulu bapak dari pado anak, mangko anak mambaoan nan sapanjang adaik, ba a kalaluannyo nan sapanjang adaik, pitih nan babilang, kain nan balipek, di papan nan sabilah, sapanjang adaik nan batatiang ka tangah rumah mintak di tarimo suko jo muluik nan manih jo hati nan suci. Kan baitu bana lalunyo buah panitahan sutan ?
Sutan Batuah
:
Nan Yo bana Sutan
Sutan Maha Rajo
:
Ma…. Sutan Batuah..?
Sutan Batuah
:
Lai
Sutan Maha Rajo
:
Sapanjang buah panitahan sutan nan taranda ka bake ambo, alah dalam adaik nan bapakai, lah dalam cupak nan baisi, tapi sunguahpun baitu nan bana kato baiyo, nan rajo kato mupakai, lamak siriah lega carano, lamak kato lega bunyi, ambo bao kato tuan tadi rudiang jo baiyo ka bake silang nan bapangka karajo nan bapokok, karakok nan bajunjuang/baniah nan batampang sarato niniak mamak urang sapuluah sabalah siko, lai ko bana kato nan baitu…?
Sutan Batuah
:
Mulo kato dianta ka tangah, barek bakisa nan ringan jauah bakisa ka nan ampia, bao lah rudiang jo baiyo mbo nanti.
Sutan Maha Rajo
:
Ambo mambao rundiang jo baiyo, sutan mananti jo buah panitahan lai kasaba..?
Sutan Batuah
:
Sakiro-kiro
Sutan Maha Rajo
:
Sutan Mantari…! Dak barudiang sapatah sutan ..!
Sutan Mantari
:
Lai sabuik tuan
Sutan Maha Rajo
:
A nan kamanjadi buah panitahan ka bake sutan kiniko dibisiak nan kadangaran imbau nan kalampauan buah barinyo duduak baiyo tagak baramuah mbo jo sutan..!
Sutan Mantari
:
Sampai Tuan..?
Sutan Maha Rajo
:
Sakiro-kiro
Sutan Mantari
:
A nan kamanjadi buah panitahan tuan ka bake ambo kiniko dibisiak nan kadangaran imbau nan kalampauan buah barinyo duduak baiyo tagak baramuah mbo jo Tuan, kan baitu bana lalunyo tuan..?
Sutan Maha Rajo
:
Nan yo bana Mantari..
Sutan Mantari
:
Ma Tuan..?
Sutan Maha Rajo
:
Lai
Sutan Mantari
:
Sapanjang buah parundingan tuan nan taranta ka bake ambo alah dilingkuang barih jo balabeh, tapi sungguahpun baitu, lamak siriah lega carano, lamak kato lega bunyi, ambo bao kato tuan manjapuian ka buah barinyo kabake silang nan bapangka karajo nan bapukok sarato niniak mamak urang sapuluah lai ko bana kato nan baitu..?
Sutan Maha Rajo
:
Mulo kato dianta ka tangah, barek bakisa nan ringan jauah bakisa ka nan ampia, bao lah rudiang jo baiyo mbo nanti.
Sutan Mantari
:
Ambo mambao rundiang jo baiyo, Tuan mananti jo buah panitahan lai kasaba..?
Sutan Maha Rajo
:
Sakiro-kiro
Sutan Mantari
:
Nyiak Datuak Barbanso…! Dak barudiang sapatah jo inyiak ..!
Datuak Barbanso
:
Lai sabuik sutan
Sutan Mantari
:
Sabalun buah panitahan ambo tiboan ka bake inyiak, dak tatapiak mato padang, dak tasanggah mato hari rela jo maaf mbo mintak ka bake inyiak, A nan kamanjadi buah panitahan ka bake inyiak kiniko dibisiak nan kadangaran imbau nan kalampauan buah barinyo mbo japuikan ka inyiak..!
Datuak Barbanso
:
Sampai sutan..?
Sutan Mantari
:
Sakiro-kiro nyiak
Datuak Barbanso
:
A nan kamanjadi buah panitahan di sutan ka bake ambo kiniko dibisiak nan kadangaran imbau nan kalampauan buah barinyo bajapuian ka bake ambo, kan baitu bana lalunyo sutan..?
Sutan Mantari
:
Nan yo bana nyiak..
Datuak Barbanso
:
Ma sutan..?
Sutan Mantari
:
Lai
Datuak Barbanso
:
Cuma nyo ambo kabake sutan kiniko, biaso juo, kato surang dibulek an, kato basamo dipaiyoan, jawabnyo sajo mbo adoan
Sutan Mantari
:
Rancak nyiak
Datuak Barbanso
:
Jawabnyo, kandak biaso buliah, pintak biaso balaku / bapambarian lah sutan satantang tu ambo mamba gadang maanjuang tinggi, kok ado tukuak jo tambahnyo bana basarahan ka bake sutan.
Sutan Mantari
:
Lah sampai nyiak ?
Datuak Barbanso
:
Sakiro-kiro
Sutan Mantari
:
Cuma nyo inyiak kabake ambo kiniko, biaso juo, kato surang dibulek an, kato basamo dipaiyoan, jawabnyo sajo inyiak adoan, Jawabnyo, kandak biaso buliah, pintak biaso balaku / bapambarian lah ambo satantang tu inyiak mamba gadang maanjuang tinggi, kok ado tukuak jo tambahnyo bana basarahan ka bake ambo. Kan baitu bana lalunyo nyiak ?
Datuak Barbanso
:
Sakiro-kiro
Sutan Mantari
:
Nan di juluak lah lareh, nan dijapuik lah tibo, hujan ko bapuun paneh ko barasa ambo kumbalian ka asanyo nyiak
Datuak Barbanso
:
Sutan mangumbalian ka asanyo nan parundiangan kito
Sutan Mantari
:
Kito bari bateh
Sutan Mantari
:
Tuan Maha Rajo.. Parundingan kumbali
Sutan Maha Rajo
:
Sabuik Sutan..
Sutan Mantari
:
Di hari nan sabantako ambo lah mambao rundiang jo baiyo ka bake silang nan bapangka , karajo nan bapokok, karakok nan bajunjuang sarato niniak mamak urang sapuluh.
Sutan Maha Rajo
:
Iyo… lah
Sutan Mantari
:
Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake ambo, ambo baanta ka Tuan, lai iko bana ka dianta…?
Sutan Maha Rajo
:
Rancak
Sutan Mantari
:
Antanyo bapambarian lah tuan satantang itu, a nan taonyok tabarian di tuan nan ambo lah sabalah siko, mamba gadang maanjuang tinggi, kok ado tukuak tambahnyo, bana basarahan kabake Tuan. Ko lah kabanaran nan ambo anta sampai ka tuan.
Sutan Maha Rajo
:
Lah sampai sutan..?
Sutan Mantari
:
Sakiro-kiro
Sutan Maha Rajo
:
Di hari nan sabantako sutan lah mambao rudiang jo baiyo kabake silang nan bapangka, karajo nan bapokok, karakok nan bajunjuang sarato niniak mamak urang sapuluh, Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake sutan, sutan baanta ka ambo, kan baitu bana lalunyo sutan…?
Sutan Mantari
:
Nan iyo bana sutan
Sutan Maha Rajo
:
Ma sutan ?
Sutan Mantari
:
Lai
Sutan Maha Rajo
:
Nan di juluak lah lareh, nan dijapuik lah tibo, hujan ko bapuun paneh ko barasa ambo kumbalian ka asanyo sutan ?
Sutan Mantari
:
Tuan mangumbalian ka asanyo nan parundiangan kito ?
Sutan Maha Rajo
:
Kito bari bateh
Sutan Maha Rajo
:
Sutan Batuah… ! Parundingan kumbali
Sutan Batuah
:
Lai, sabuik
Sutan Maha Rajo
:
Di hari nan sabantako ambo lah mambao rundiang jo baiyo ka bake silang nan bapangka , karajo nan bapokok, karakok nan bajunjuang sarato niniak mamak urang sapuluh.
Sutan Mantari
:
Iyo…lah
Sutan Maha Rajo
:
Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake ambo, ambo baanta ka Sutan, lai iko bana ka dianta…?
Sutan Batuah
:
Rancak
Sutan Maha Rajo
:
Antanyo, sapanjang adaik nan batatiang ka tangah rumah iyo kabatarimo suko jo muluik nan manih jo hati nan suci, iko lah buah bari baliau nan ambo anta sampai ka bake tuan. (Tapi kalau seandainyo ingin tahu lebih jauah dapek juo ditambah, dengan syaraik tidak pada semua situasi) tapi lambak lampisan di ateh itu, parundiangan nan batiboan ka sutan biaso juo, lakuang batinjau, kalam basigi, kurang siang bak hari, kurang tarang bak bulan, ateh anak banamo duo tigo, iyo mintak ditarangan.
Sutan Batuah
:
Sampai sutan
Sutan Maha Rajo
:
Sakiro-kiro
Sutan Batuah
:
Di hari nan sabantako sutan lah mambao rundiang jo baiyo ka bake silang nan bapangka , karajo nan bapokok, karakok nan bajunjuang sarato niniak mamak urang sapuluh.
Sutan Maha Rajo
:
Iyo…lah
Sutan Batuah
:
Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake sutan, sutan baanta ka ambo, antanyo sapanjang adaik nan batatiang ka tangah rumah iyo kabatarimo suko jo muluik nan manih jo hati nan suci, tapi lambak lampisan di ateh itu, parundiangan nan batiboan ka ambo kiniko biaso juo, lakuang batinjau, kalam basigi, kurang siang bak hari, kurang tarang bak bulan, ateh anak banamo duo tigo, iyo mintak ditarangan kan baitu bana lalunyo sutan…?
Sutan Maha Rajo
:
Nan iyo bana sutan..
Sutan Batuah
:
Lakuang batinjau, kalam basigi lah manuruik adaik, ateh anak banamo duo tigo ilmu maklum kudaraik samo mukadua ko lah kabanaran mbo anta sutan.
Sutan Maha Rajo
:
Sampai sutan ?
Sutan Batuah
:
Sakiro-kiro
Sutan Maha Rajo
:
Lakuang batinjau, kalam basigi lah manuruik adaik, ateh anak banamo duo tigo ilmu maklum kudaraik samo mukadua kan baitu bana lalunyo sutan.
Sutan Batuah
:
Nan iyo bana
Sutan Maha Rajo
:
Banamu bak cubadak, baincek bak durian, ndak tahu ingo jo bateh iyo mintak ditarangan
Sutan Batuah
:
Sampai Sutan, banabu bak cubadak, baincek bak durian, mintak ditarangan, kan baitu mana lalunyo Sutan..?
Sutan Mahara Rajo
:
Nan iyo bana
Sutan Batuah
:
Anak sipolan di Maninjau tuan..
Sutan Batuah
:
Kandak lah buliah pintak lah balaku, basanang hati kami sitampuah lalu sabondong suruik sutan..
Sutan Maha Rajo
:
Nan parundingan kito..?
Sutan Batuah
:
Kito bari Bateh.









Panitahan Babulangan Tampek Anta Kapan

Sutan Maha Rajo
:
Sutan Batuah….! Bajapuik an sapatah lai
Sutan Batuah
:
Sabuik Sutan
Sutan Maha Rajo
:
A nan kamanjadi buah panitahan ka sutan kini ko maagak di parundingan kito nan sabantako, balaia lah sampai ka pulau, bajalan lah sampai ka bateh, bakato lah baranti.
Sutan Batuah
:
Iyolah…
Sutan Maha Rajo
:
Lambak lampisan di ateh itu buah panitahan nan kabatiboan ka sutan kiniko, biaso juo, adaik ko painyo batampat, pulangnyo batampat. Tampat jo labiah baguntingannyo ambo kumbalian ka sutan
Sutan Batuah
:
Sampai sutan
Sutan Maha Rajo
:
Sakiro-kiro
Sutan Batuah
:
A nan kamanjadi buah panitahan dek sutan kini ko ka ambo, maagak di parundingan kito nan sabantako, balaia lah sampai ka pulau, bajalan lah sampai ka bateh, bakato lah baranti.


Iyolah…


Tapi lambak lampisan di ateh itu buah panitahan nan batiboan ka ambo kiniko, biaso juo, adaik ko painyo batampat, pulangnyo batampat. Tampat jo labiah baguntingannyo ba kumbalian ka ambo, Kan baitu bana lalunyo sutan..?
Sutan Maha Rajo
:
Nan iyo bana sutan
Sutan Batuah
:
Tampat jo labiah baguntingannyo lah mbo tarimo sutan
Sutan Maha Rajo
:
Kandak lah babari, pintak lah babari basanang hati kami sutan.
Sutan Batuah
:
Nan parundingan kito..?
Sutan Maha Rajo
:
Kito bari bateh
















Panitahan Pulang Maanta Kapan Kamatian

Sutan Batuah
:
Sutan Maha Rajo…! Nak manitah sapatah
Sutan Maha Rajo
:
Lai… sabalun kato bajawek gayuang basambuik ambo pa iyoan sapatah
Sutan Maha Rajo
:
(mampaiyoan ka sipangka ) Ba a tu Malin..! lah tibo pulo ulak jo olay dari satampuah lalu sabondong suruik.
Malin
:
Biaso kato bajawek gayuang basambuik..
Sutan Maha Rajo
:
Singkek bauleh, panjang batukuak
Malin
:
Kapado Allah..
Sutan Maha Rojo
:
Laluanlah kato baliau Sutan Batuah..!
Sutan Batuah
:
Sabalun buah panitahan mbo tiboan ka bake sutan, adaik kito barudiang di dapan niniak jo mamak angku sagalo guru rela jo maaf kito mintak kabake baliau, buah panitahan mbo tiboan ka bake sutan.
Sutan Maha Rajo
:
Sabuik Sutan
Sutan Batuah
:
A nan kamanjadi buah panitahan ka bake sutan kiniko, ma agak mukasuik nan lah sampai, diama nan lah pacah, duduak lamo taraso panek tagak lamo taraso paniang sabalun itu tibo, duduak nak baurak selo, tagak nak ma ayun langkah mintak dilapeh suko jo muluik nan manih jo hati nan suci. Ikolah buah panitahan nan baanta sampai ka bake sutan
Sutan Maha Rajo
:
Tibonyo lah sampai sutan..?
Sutan Batuah
:
Sakiro-kiro
Sutan Maha Rajo
:
Sabalun buah panitahan mbo kumbalian ka bake sutan, adaik kito barudiang di dapan niniak jo mamak angku sagalo guru rela jo maaf kito mintak kabake baliau, buah panitahan mbo kumbalian ka bake sutan.
Sutan Batuah
:
Bana Sutan
Sutan Maha Rajo
:
A nan kamanjadi buah panitahan ka sutan ka bake ambo kiniko, ma agak di mukasuik nan lah sampai, diama nan lah pacah, duduak lamo taraso panek tagak lamo taraso paniang sabalun itu tibo, duduak nak baurak selo, tagak nak ma ayun langkah mintak dilapeh suko jo muluik nan manih jo hati nan suci. Kan baitu bana lalunyo buah panitahan sutan?
Sutan Batuah
:
Nan Yo bana Sutan
Sutan Maha Rajo
:
Ma…. Sutan Batuah..?
Sutan Batuah
:
Lai
Sutan Maha Rajo
:
Sapanjang buah panitahan sutan nan taranda ka bake ambo, alah dalam adaik nan bapakai, lah dalam cupak nan baisi, tapi sunguahpun baitu nan bana kato baiyo, nan rajo kato mupakai, lamak siriah lega carano, lamak kato lega bunyi, ambo bao kato tuan tadi rudiang jo baiyo ka bake silang nan bapangka karajo nan bapokok, karakok nan bajunjuang/baniah nan batampang sarato niniak mamak urang sapuluah sabalah siko, lai ko bana kato nan baitu…?
Sutan Batuah
:
Mulo kato dianta ka tangah, barek bakisa nan ringan jauah bakisa ka nan ampia, bao lah rudiang jo baiyo mbo nanti.
Sutan Maha Rajo
:
Ambo mambao rundiang jo baiyo, sutan mananti jo buah panitahan lai kasaba..?
Sutan Batuah
:
Sakiro-kiro
Sutan Maha Rajo
:
Sutan Mantari…! Dak barudiang sapatah sutan ..!
Sutan Mantari
:
Lai sabuik tuan
Sutan Maha Rajo
:
A nan kamanjadi buah panitahan ka bake sutan kiniko dibisiak nan kadangaran imbau nan kalampauan buah barinyo duduak baiyo tagak baramuah mbo jo sutan..!
Sutan Mantari
:
Sampai Tuan..?
Sutan Maha Rajo
:
Sakiro-kiro
Sutan Mantari
:
A nan kamanjadi buah panitahan tuan ka bake ambo kiniko dibisiak nan kadangaran imbau nan kalampauan buah barinyo duduak baiyo tagak baramuah mbo jo Tuan, kan baitu bana lalunyo tuan..?
Sutan Maha Rajo
:
Nan yo bana Mantari..
Sutan Mantari
:
Ma Tuan..?
Sutan Maha Rajo
:
Lai
Sutan Mantari
:
Sapanjang buah parundingan tuan nan taranta ka bake ambo alah dilingkuang barih jo balabeh, lah di kanduang adaik jo pusako, tapi sungguahpun baitu, lamak siriah lega carano, lamak kato lega bunyi, ambo bao kato tuan manjapuian ka buah barinyo kabake silang nan bapangka karajo nan bapukok sarato niniak mamak urang sapuluah lai ko bana kato nan baitu..?
Sutan Maha Rajo
:
Mulo kato dianta ka tangah, barek bakisa nan ringan jauah bakisa ka nan ampia, bao lah rudiang jo baiyo mbo nanti.
Sutan Mantari
:
Ambo mambao rundiang jo baiyo, Tuan mananti jo buah panitahan lai kasaba..?
Sutan Maha Rajo
:
Sakiro-kiro
Sutan Mantari
:
Nyiak Datuak Barbanso…! Dak barudiang sapatah jo inyiak ..!
Datuak Barbanso
:
Lai sabuik sutan
Sutan Mantari
:
Sabalun buah panitahan ambo tiboan ka bake inyiak, dak tatapiak mato padang, dak tasanggah mato hari rela jo maaf mbo mintak ka bake inyiak, A nan kamanjadi buah panitahan ka bake inyiak kiniko dibisiak nan kadangaran imbau nan kalampauan buah barinyo mbo japuikan ka inyiak..!
Datuak Barbanso
:
Sampai sutan..?
Sutan Mantari
:
Sakiro-kiro nyiak
Datuak Barbanso
:
A nan kamanjadi buah panitahan di sutan ka bake ambo kiniko dibisiak nan kadangaran imbau nan kalampauan buah barinyo bajapuian ka bake ambo, kan baitu bana lalunyo sutan..?
Sutan Mantari
:
Nan yo bana nyiak..
Datuak Barbanso
:
Ma sutan..?
Sutan Mantari
:
Lai
Datuak Barbanso
:
Cuma nyo ambo kabake sutan kiniko, biaso juo, kato surang dibulek an, kato basamo dipaiyoan, jawabnyo sajo mbo adoan
Sutan Mantari
:
Rancak nyiak
Datuak Barbanso
:
Jawabnyo, kandak biaso buliah, pintak biaso balaku / bapambarian lah sutan satantang tu ambo mamba gadang maanjuang tinggi, kok ado tukuak jo tambahnyo bana basarahan ka bake sutan.
Sutan Mantari
:
Lah sampai nyiak ?
Datuak Barbanso
:
Sakiro-kiro
Sutan Mantari
:
Cuma nyo inyiak kabake ambo kiniko, biaso juo, kato surang dibulek an, kato basamo dipaiyoan, jawabnyo sajo inyiak adoan, Jawabnyo, kandak biaso buliah, pintak biaso balaku / bapambarian lah ambo satantang tu inyiak mamba gadang maanjuang tinggi, kok ado tukuak jo tambahnyo bana basarahan ka bake ambo. Kan baitu bana lalunyo nyiak ?
Datuak Barbanso
:
Sakiro-kiro
Sutan Mantari
:
Nan di juluak lah lareh, nan dijapuik lah tibo, hujan ko bapuun paneh ko barasa ambo kumbalian ka asanyo nyiak
Datuak Barbanso
:
Sutan mangumbalian ka asanyo nan parundiangan kito
Sutan Mantari
:
Kito bari bateh
Sutan Mantari
:
Tuan Maha Rajo.. Parundingan kumbali
Sutan Maha Rajo
:
Sabuik Sutan..
Sutan Mantari
:
Di hari nan sabantako ambo lah mambao rundiang jo baiyo ka bake silang nan bapangka , karajo nan bapokok, karakok nan bajunjuang sarato niniak mamak urang sapuluh.
Sutan Maha Rajo
:
Iyo… lah
Sutan Mantari
:
Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake ambo, ambo baanta ka Tuan, lai iko bana ka dianta…?
Sutan Maha Rajo
:
Rancak
Sutan Mantari
:
Antanyo bapambarian lah tuan satantang itu, a nan taonyok tabarian di tuan nan ambo lah sabalah siko, mamba gadang maanjuang tinggi, kok ado tukuak tambahnyo, bana basarahan kabake Tuan. Ko lah buah bari baliau nan ambo anta sampai ka tuan.
Sutan Maha Rajo
:
Lah sampai sutan..?
Sutan Mantari
:
Sakiro-kiro
Sutan Maha Rajo
:
Di hari nan sabantako sutan lah mambao rudiang jo baiyo kabake silang nan bapangka, karajo nan bapokok, karakok nan bajunjuang sarato niniak mamak urang sapuluh, Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake sutan, sutan baanta ka ambo, antanyo bapambarianlah ambo a nan taonyok tabari diambo nan sutan di sabalah sinan mamba gadang maanjuang tinggi, kok ado tukuak tambahnyo bana basarahan ka bake ambo, kan baitu bana lalunyo sutan…?
Sutan Mantari
:
Nan iyo bana Tuan
Sutan Maha Rajo
:
Ma sutan ?
Sutan Mantari
:
Lai
Sutan Maha Rajo
:
Nan di juluak lah lareh, nan dijapuik lah tibo, hujan ko bapuun paneh ko barasa ambo kumbalian ka asanyo sutan ?
Sutan Mantari
:
Tuan mangumbalian ka asanyo nan parundiangan kito ?
Sutan Maha Rajo
:
Kito bari bateh
Sutan Maha Rajo
:
Sutan Batuah… ! Parundingan kumbali
Sutan Batuah
:
Lai, sabuik
Sutan Maha Rajo
:
Di hari nan sabantako ambo lah mambao rundiang jo baiyo ka bake silang nan bapangka , karajo nan bapokok, karakok nan bajunjuang sarato niniak mamak urang sapuluh.
Sutan Mantari
:
Iyo…lah
Sutan Maha Rajo
:
Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake ambo, ambo baanta ka Sutan, lai iko bana ka dianta…?
Sutan Batuah
:
Rancak
Sutan Maha Rajo
:
Antanyo, kandak lai buliah, pintak lai balaku, yo kabalapeh suko jo muluik nan manih jo hati nan suci, tapi lambak lampisan di ateh itu, parundiangan nan batiboan ka sutan satantang urang tuo kito nan alah terdahulu, lamo hiduik banyak dirasai, lamo bajalan banyak nan basuo, kok ado talantak ka naiak talantuang ka turun, diangan atau dak disangajo, kami silang nan bapangka mintak rela jo maaf ka bake sitampuah lalu sabondong suruik. Ikolah buah kabanaran nan ambo anta sampai ka sutan.
Sutan Batuah
:
Sampai sutan
Sutan Maha Rajo
:
Sakiro-kiro
Sutan Batuah
:
Di hari nan sabantako sutan lah mambao rundiang jo baiyo ka bake silang nan bapangka , karajo nan bapokok, karakok nan bajunjuang sarato niniak mamak urang sapuluh.
Sutan Maha Rajo
:
Iyo…lah
Sutan Batuah
:
Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake sutan, sutan baanta ka ambo, antanyo kandak lai buliah, pintak lai balaku, yo kabalapeh suko jo muluik nan manih jo hati nan suci, tapi lambak lampisan di ateh itu, parundiangan nan batiboan ka ambo satantang urang tuo kito nan alah terdahulu, lamo hiduik banyak dirasai, lamo bajalan banyak nan basuo, kok ado talantak ka naiak talantuang ka turun, diangan atau dak disangajo, kami silang nan bapangka mintak rela jo maaf ka bake sitampuah lalu sabondong suruikkan baitu bana lalunyo sutan…?
Sutan Maha Rajo
:
Nan iyo bana sutan..
Sutan Batuah
:
Sapanjang buah panitahan sutan nan taranda ka bake ambo, alah dalam adaik nan bapakai, lah dalam cupak nan baisi, tapi sunguahpun baitu nan bana kato baiyo, nan rajo kato mupakai, lamak siriah lega carano, lamak kato lega bunyi, ambo bao kato tuan tadi rudiang jo baiyo ka bake sitampuah lalu sabondong suruik sabalah siko, lai ko bana kato nan baitu…?
Sutan Maha Rajo
:
Mulo kato dianta ka tangah, barek bakisa nan ringan jauah bakisa ka nan ampia, bao lah rudiang jo baiyo mbo nanti.
Sutan Batuah
:
Ambo mambao rundiang jo baiyo, sutan mananti jo buah panitahan lai kasaba..?
Sutan Maha Rajo
:
Sakiro-kiro
Sutan Batuah
:
Sutan Panduko…! Dak barudiang sapatah sutan ..!
Sutan Panduko
:
Lai sabuik tuan
Sutan Batuah
:
A nan kamanjadi buah panitahan ka bake sutan kiniko dibisiak nan kadangaran imbau nan kalampauan buah barinyo duduak baiyo tagak baramuah mbo jo sutan..!
Sutan Panduko
:
Sampai Tuan..?
Sutan Batuah
:
Sakiro-kiro
Sutan Panduko
:
A nan kamanjadi buah panitahan tuan ka bake ambo kiniko dibisiak nan kadangaran imbau nan kalampauan buah barinyo duduak baiyo tagak baramuah mbo jo Tuan, kan baitu bana lalunyo tuan..?
Sutan Batuah
:
Nan yo bana Panduko..
Sutan Panduko
:
Ma Tuan..?
Sutan Batuah

Lai
Sutan Panduko

Sapanjang buah parundingan tuan nan taranta ka bake ambo alah dilingkuang barih jo balabeh, lah di kanduang adaik jo pusako, tapi sungguahpun baitu, lamak siriah lega carano, lamak kato lega bunyi, ambo bao kato tuan manjapuian ka buah barinyo kabake dunsanak sabalah siko nan baradir duduak lai ko bana kato nan baitu..?
Sutan Batuah

Mulo kato dianta ka tangah, barek bakisa nan ringan jauah bakisa ka nan ampia, bao lah rudiang jo baiyo mbo nanti.
Sutan Panduko

Ambo mambao rundiang jo baiyo, Tuan mananti jo buah panitahan lai kasaba..?
Sutan Batuah

Sakiro-kiro
Sutan Panduko

Nyiak Datuak Barbanso…! Dak barudiang sapatah jo inyiak ..!
Datuak Barbanso

Lai sabuik sutan
Sutan Panduko

Sabalun buah panitahan ambo tiboan ka bake inyiak, dak tatapiak mato padang, dak tasanggah mato hari rela jo maaf mbo mintak ka bake inyiak, A nan kamanjadi buah panitahan ka bake inyiak kiniko dibisiak nan kadangaran imbau nan kalampauan buah barinyo mbo japuikan ka inyiak..!
Datuak Barbanso

Sampai sutan..?
Sutan Panduko

Sakiro-kiro nyiak
Datuak Barbanso

A nan kamanjadi buah panitahan di sutan ka bake ambo kiniko dibisiak nan kadangaran imbau nan kalampauan buah barinyo bajapuian ka bake ambo, kan baitu bana lalunyo sutan..?
Sutan Panduko

Nan yo bana nyiak..
Datuak Barbanso

Ma sutan..?
Sutan Panduko

Lai
Datuak Barbanso

Cuma nyo ambo kabake sutan kiniko, biaso juo, kato surang dibulek an, kato basamo dipaiyoan, jawabnyo sajo mbo adoan
Sutan Panduko

Rancak nyiak
Datuak Barbanso

Jawabnyo, kandak biaso buliah, pintak biaso balaku / bapambarian lah sutan satantang tu ambo mamba gadang maanjuang tinggi, kok ado tukuak jo tambahnyo bana basarahan ka bake sutan.
Sutan Panduko

Lah sampai nyiak ?
Datuak Barbanso

Sakiro-kiro
Sutan Panduko

Cuma nyo inyiak kabake ambo kiniko, biaso juo, kato surang dibulek an, kato basamo dipaiyoan, jawabnyo sajo inyiak adoan, Jawabnyo, kandak biaso buliah, pintak biaso balaku / bapambarian lah ambo satantang tu inyiak mamba gadang maanjuang tinggi, kok ado tukuak jo tambahnyo bana basarahan ka bake ambo. Kan baitu bana lalunyo nyiak ?
Datuak Barbanso

Sakiro-kiro
Sutan Panduko

Nan di juluak lah lareh, nan dijapuik lah tibo, hujan ko bapuun paneh ko barasa ambo kumbalian ka asanyo nyiak
Datuak Barbanso

Sutan mangumbalian ka asanyo nan parundiangan kito
Sutan Panduko

Kito bari bateh
Sutan Panduko

Tuan Batuah.. Parundingan kumbali
Sutan Batuah

Sabuik Sutan..
Sutan Panduko

Di hari nan sabantako ambo lah mambao rundiang jo baiyo ka bake sitampuah lalu sabondong suruik duo tigo sabalah siko.
Sutan Batuah

Iyo… lah
Sutan Panduko

Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake ambo, ambo baanta ka Tuan, lai iko bana ka dianta…?
Sutan Batuah

Rancak
Sutan Panduko

Antanyo bapambarian lah tuan satantang itu, a nan taonyok tabarian di tuan nan ambo lah sabalah siko, mamba gadang maanjuang tinggi, kok ado tukuak tambahnyo, bana basarahan kabake Tuan. Ko lah buah bari baliau nan ambo anta sampai ka tuan.
Sutan Batuah

Lah sampai sutan..?
Sutan Panduko

Sakiro-kiro
Sutan Batuah

Di hari nan sabantako sutan lah mambao rudiang jo baiyo sitampuah lalu sabondong suruik duo jo tigo sabalah sinan, Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake sutan, sutan baanta ka ambo, antanyo bapambarianlah ambo a nan taonyok tabari diambo nan sutan di sabalah sinan mamba gadang maanjuang tinggi, kok ado tukuak tambahnyo bana basarahan ka bake ambo, kan baitu bana lalunyo sutan…?
Sutan Panduko

Nan iyo bana Tuan
Sutan Batuah

Ma sutan ?
Sutan Panduko

Lai
Sutan Batuah

Nan di juluak lah lareh, nan dijapuik lah tibo, hujan ko bapuun paneh ko barasa ambo kumbalian ka asanyo sutan ?
Sutan Panduko

Tuan mangumbalian ka asanyo nan parundiangan kito ?
Sutan Batuah

Kito bari bateh
Sutan Batuah

Sutan Maha Rajo… ! Parundingan kumbali
Sutan Maha Rajo

Lai, sabuik
Sutan Batuah

Di hari nan sabantako ambo lah mambao rundiang jo baiyo ka bake sitampuah lalu sabondong suruik sabalah siko,.
Sutan Maha Rajo

Iyo…lah
Sutan Batuah

Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake ambo, ambo baanta ka Sutan, lai iko bana ka dianta…?
Sutan Maha Rajo

Rancak
Sutan Batuah

Antanyo, satantang urang tuo kito nan lah terdahulu, baru sajo kami sitampuah lalu sabondong suruik mandanga baliau telah terdahulu kami lah dulu mambari maaf, tapi lambak lampisan dari itu biaso juo pakuak nak babalasan, dagang nak batimbalan, manggati nak samo merah, manimbang nak samo barek Ikolah buah kabanaran nan ambo anta sampai ka sutan.
Sutan Maha Rajo

Sampai sutan
Sutan Batuah

Sakiro-kiro
Sutan Maha Rajo

Di hari nan sabantako sutan lah mambao rundiang jo baiyo ka bake Sitampuah lalu sabondong suruik sarato dunsana nan baradir duduak.
Sutan Batuah

Iyo…lah
Sutan Maha Rajo

Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake sutan, sutan baanta ka ambo, Antanyo, satantang urang tuo kito nan lah terdahulu, baru sajo kami sitampuah lalu sabondong suruik mandanga baliau telah terdahulu kami lah dulu mambari maaf, tapi lambak lampisan dari itu biaso juo pakuak nak babalasan, dagang nak batimbalan, manggati nak samo merah, manimbang nak samo barek kan baitu bana lalunyo sutan…?
Sutan Batuah

Nan iyo bana sutan..
Sutan Maha Rajo
:
Ma sutan
Sutan Batuah

Lai
Sutan Maha Rajo

Sapanjang buah panitahan sutan nan taranda ka bake ambo, alah dalam adaik nan bapakai, lah dalam cupak nan baisi, tapi sunguahpun baitu nan bana kato baiyo, nan rajo kato mupakai, lamak siriah lega carano, lamak kato lega bunyi, ambo bao kato tuan tadi rudiang jo baiyo ka bake silang nan bapangka karajo nan bapokok, karakok nan bajunjuang/baniah nan batampang sarato niniak mamak urang sapuluah sabalah siko, lai ko bana kato nan baitu…?
Sutan Batuah

Mulo kato dianta ka tangah, barek bakisa nan ringan jauah bakisa ka nan ampia, bao lah rudiang jo baiyo mbo nanti.
Sutan Maha Rajo

Ambo mambao rundiang jo baiyo, sutan mananti jo buah panitahan lai kasaba..?
Sutan Batuah

Sakiro-kiro
Sutan Maha Rajo

Sutan Mantari…! Dak barudiang sapatah sutan ..!
Sutan Mantari

Lai sabuik tuan
Sutan Maha Rajo

A nan kamanjadi buah panitahan ka bake sutan kiniko dibisiak nan kadangaran imbau nan kalampauan buah barinyo duduak baiyo tagak baramuah mbo jo sutan..!
Sutan Mantari

Sampai Tuan..?
Sutan Maha Rajo

Sakiro-kiro
Sutan Mantari

A nan kamanjadi buah panitahan tuan ka bake ambo kiniko dibisiak nan kadangaran imbau nan kalampauan buah barinyo duduak baiyo tagak baramuah mbo jo Tuan, kan baitu bana lalunyo tuan..?
Sutan Maha Rajo

Nan yo bana Mantari..
Sutan Mantari

Ma Tuan..?
Sutan Maha Rajo

Lai
Sutan Mantari

Sapanjang buah parundingan tuan nan taranta ka bake ambo alah dilingkuang barih jo balabeh, lah di kanduang adaik jo pusako, tapi sungguahpun baitu, lamak siriah lega carano, lamak kato lega bunyi, ambo bao kato tuan manjapuian ka buah barinyo kabake silang nan bapangka karajo nan bapukok sarato niniak mamak urang sapuluah lai ko bana kato nan baitu..?
Sutan Maha Rajo

Mulo kato dianta ka tangah, barek bakisa nan ringan jauah bakisa ka nan ampia, bao lah rudiang jo baiyo mbo nanti.
Sutan Mantari

Ambo mambao rundiang jo baiyo, Tuan mananti jo buah panitahan lai kasaba..?
Sutan Maha Rajo

Sakiro-kiro
Sutan Mantari

Nyiak Datuak Basa…! Dak barudiang sapatah jo inyiak ..!
Datuak Basa

Lai sabuik sutan
Sutan Mantari

Sabalun buah panitahan ambo tiboan ka bake inyiak, dak tatapiak mato padang, dak tasanggah mato hari rela jo maaf mbo mintak ka bake inyiak, A nan kamanjadi buah panitahan ka bake inyiak kiniko dibisiak nan kadangaran imbau nan kalampauan buah barinyo mbo japuikan ka inyiak..!
Datuak Basa

Sampai sutan..?
Sutan Mantari

Sakiro-kiro nyiak
Datuak Basa

A nan kamanjadi buah panitahan di sutan ka bake ambo kiniko dibisiak nan kadangaran imbau nan kalampauan buah barinyo bajapuian ka bake ambo, kan baitu bana lalunyo sutan..?
Sutan Mantari

Nan yo bana nyiak..
Datuak Basa

Ma sutan..?
Sutan Mantari

Lai
Datuak Basa

Cuma nyo ambo kabake sutan kiniko, biaso juo, kato surang dibulek an, kato basamo dipaiyoan, jawabnyo sajo mbo adoan
Sutan Mantari

Rancak nyiak
Datuak Basa

Jawabnyo, kandak biaso buliah, pintak biaso balaku / bapambarian lah sutan satantang tu ambo mamba gadang maanjuang tinggi, kok ado tukuak jo tambahnyo bana basarahan ka bake sutan.
Sutan Mantari

Lah sampai nyiak ?
Datuak Basa

Sakiro-kiro
Sutan Mantari

Cuma nyo inyiak kabake ambo kiniko, biaso juo, kato surang dibulek an, kato basamo dipaiyoan, jawabnyo sajo inyiak adoan, Jawabnyo, kandak biaso buliah, pintak biaso balaku / bapambarian lah ambo satantang tu inyiak mamba gadang maanjuang tinggi, kok ado tukuak jo tambahnyo bana basarahan ka bake ambo. Kan baitu bana lalunyo nyiak ?
Datuak Basa

Sakiro-kiro
Sutan Mantari

Nan di juluak lah lareh, nan dijapuik lah tibo, hujan ko bapuun paneh ko barasa ambo kumbalian ka asanyo nyiak
Datuak Basa

Sutan mangumbalian ka asanyo nan parundiangan kito
Sutan Mantari

Kito bari bateh
Sutan Mantari

Tuan Maha Rajo.. Parundingan kumbali
Sutan Maha Rajo

Sabuik Sutan..
Sutan Mantari

Di hari nan sabantako ambo lah mambao rundiang jo baiyo ka bake silang nan bapangka , karajo nan bapokok, karakok nan bajunjuang sarato niniak mamak urang sapuluh.
Sutan Maha Rajo

Iyo… lah
Sutan Mantari

Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake ambo, ambo baanta ka Tuan, lai iko bana ka dianta…?
Sutan Maha Rajo

Rancak
Sutan Mantari

Antanyo bapambarian lah tuan satantang itu, a nan taonyok tabarian di tuan nan ambo lah sabalah siko, mamba gadang maanjuang tinggi, kok ado tukuak tambahnyo, bana basarahan kabake Tuan. Ko lah buah bari baliau nan ambo anta sampai ka tuan.
Sutan Maha Rajo

Lah sampai sutan..?
Sutan Mantari

Sakiro-kiro
Sutan Maha Rajo

Di hari nan sabantako sutan lah mambao rudiang jo baiyo kabake silang nan bapangka, karajo nan bapokok, karakok nan bajunjuang sarato niniak mamak urang sapuluh, Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake sutan, sutan baanta ka ambo, antanyo bapambarianlah ambo a nan taonyok tabari diambo nan sutan di sabalah sinan mamba gadang maanjuang tinggi, kok ado tukuak tambahnyo bana basarahan ka bake ambo, kan baitu bana lalunyo sutan…?
Sutan Mantari

Nan iyo mana Tuan
Sutan Maha Rajo

Nan di juluak lah lareh, nan dijapuik lah tabao, hujan ko bapuun paneh ko barasa ambo kumbalian ka asanyo sutan ?
Sutan Mantari

Tuan mangumbalian ka asanyo nan parundiangan kito ?
Sutan Maha Rajo

Kito bari bateh
Sutan Maha Rajo

Sutan Batuah… ! Parundingan kumbali
Sutan Batuah

Lai, sabuik
Sutan Maha Rajo

Di hari nan sabantako ambo lah mambao rundiang jo baiyo ka bake silang nan bapangka , karajo nan bapokok, karakok nan bajunjuang sarato ahli warih nan tapek.
Sutan Batuah

Iyo…lah
Sutan Maha Rajo

Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake ambo, ambo baanta ka Sutan, lai iko bana ka dianta…?
Sutan Batuah

Rancak
Sutan Maha Rajo

Antanyo, sambah lalu salam kumbali ko lah buah bari baliau nan ambo anta sampai ka sutan.
Sutan Batuah

Sampai sutan
Sutan Maha Rajo

Sakiro-kiro
Sutan Batuah

Di hari nan sabantako sutan lah mambao rundiang jo baiyo ka bake silang nan bapangka , karajo nan bapokok, karakok nan bajunjuang sarato ahli warih nan tapek
Sutan Maha Rajo

Iyo…lah
Sutan Batuah

Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake sutan, sutan baanta ka ambo, antanyo salam lalu sambah lah kumbali kan baitu bana lalunyo sutan…?
Sutan Maha Rajo

Nan iyo bana sutan..
Sutan Batuah

Kandak lah samo buliah pintak lah samo balaku basanang hati kami sitampuah lalu sabondong suruik sutan,
Sutan Maha Rajo

Nan Parundingan kito
Sutan Batuah

Kito parantian, barenjeng tagak kami sutan?
Sutan Maha Rajo

Kami luangkan jalan sutan
Sutan Batuah

Assalamu’alaikum
Sutan Maha Rajo

Alaikum salam

PANITAHAN DARI MEDAN NAN BAPANEH KA MEDAN NAN BALINDUANG


Sutan Batuah
:
Sutan Maha Rajo…! Nyak manitah sapatah
Sutan Maha Rajo
:
Lai… sabalun kato bajawek gayuang basambuik ambo pa iyoan sapatah
Sutan Maha Rajo
:
(mampaiyoan ka sipangka ) Ba a tu Malin..! lah tibo pulo ulak jo olay dari satampuah lalu sabondong suruik.
Malin
:
Biaso kato bajawek gayuang basambuik..
Sutan Maha Rajo
:
Singkek bauleh, kurang batukuak
Malin
:
Kapado Allah..
Sutan Maha Rojo
:
Laluanlah kato baliau Sutan Batuah..!
Sutan Batuah
:
Sabalun buah panitahan mbo tiboan ka bake sutan, adaik kito barudiang di dapan niniak jo mamak angku sagalo guru rela jo maaf kito mintak kabake baliau, buah panitahan mbo tiboan ka bake sutan.
Sutan Maha Rajo
:
Sabuik Sutan
Sutan Batuah
:
A nan kamanjadi buah panitahan ka bake sutan kiniko, ma agak dihari nan sahari nangko malang taraiah mujua tatulak lah bapulang urang tuo kito ka warah matullah..!, mako bardirilah anak jo bapak, karik kabia, ipan bisan sarato buek arek karang nan badagok, maantaan ka tanah nan sirah, pasia nan taserai, ka rumpuik nan layua rasonyo lah samparono, tapi lambak lampisan di ateh itu buah panitahan nan batiboan ka bake sutan, medan ko duo nan tarantang, partamu medan nan bapaneh, kaduo medan nan balinduang, kandak dari kami silang nan bapangka karajo nan bapokok nyak mangisa dunsanak nan basamo dari medan nan bapaneh ka medan nan balinduang,. Ikolah buah panitahan nan batiboan ka bake sutan
Sutan Maha Rajo
:
Tibonyo lah sampai sutan..?
Sutan Batuah
:
Sakiro-kiro
Sutan Maha Rajo
:
Sabalun buah panitahan mbo kumbalian ka bake sutan, adaik kito barudiang di dapan niniak jo mamak angku sagalo guru rela jo maaf kito mintak kabake baliau, buah panitahan mbo kumbalian ka bake sutan.
Sutan Batuah
:
Bana Sutan
Sutan Maha Rajo
:
A nan kamanjadi buah panitahan ka bake sutan kiniko, ma agak dihari nan sahari nangko malang taraiah mujua tatulak lah bapulang urang tuo kito ka warah matullah..!, mako bardirilah anak jo bapak, karik kabia, ipan bisan sarato buek arek karang nan badagok, maantaan ka tanah nan sirah, pasia nan taserai, ka rumpuik nan layua rasonyo lah samparono, tapi lambak lampisan di ateh itu buah panitahan nan batiboan ka bake sutan, medan ko duo nan tarantang, partamu medan nan bapaneh, kaduo medan nan balinduang, kandak dari kami silang nan bapangka karajo nan bapokok nyak mangisa dunsanak nan basamo dari medan nan bapaneh ka medan nan balinduang, kan baitu bana lalunyo buah panitahan sutan?
Sutan Batuah
:
Nan Yo bana Sutan
Sutan Maha Rajo
:
Ma…. Sutan Batuah..?
Sutan Batuah
:
Lai
Sutan Maha Rajo
:
Sapanjang buah panitahan sutan nan taranda ka bake ambo, alah dalam adaik nan bapakai, lah dalam cupak nan baisi, tapi sunguahpun baitu nan bana kato baiyo, nan rajo kato mupakai, lamak siriah lega carano, lamak kato lega bunyi, ambo bao kato tuan tadi rudiang jo baiyo ka bake silang nan bapangka karajo nan bapokok, karakok nan bajunjuang/baniah nan batampang sarato niniak mamak urang sapuluah sabalah siko, lai ko bana kato nan baitu…?
Sutan Batuah
:
Mulo kato dianta ka tangah, barek bakisa nan ringan jauah bakisa ka nan ampia, bao lah rudiang jo baiyo mbo nanti.
Sutan Maha Rajo
:
Ambo mambao rundiang jo baiyo, sutan mananti jo buah panitahan lai kasaba..?
Sutan Batuah
:
Sakiro-kiro
Sutan Maha Rajo
:
Sutan Mantari…! Dak barudiang sapatah sutan ..!
Sutan Mantari
:
Lai sabuik tuan
Sutan Maha Rajo
:
A nan kamanjadi buah panitahan ka bake sutan kiniko dibisiak nan kadangaran imbau nan kalampauan buah barinyo duduak baiyo tagak baramuah mbo jo sutan..!
Sutan Mantari
:
Sampai Tuan..?
Sutan Maha Rajo
:
Sakiro-kiro
Sutan Mantari
:
A nan kamanjadi buah panitahan tuan ka bake ambo kiniko dibisiak nan kadangaran imbau nan kalampauan buah barinyo duduak baiyo tagak baramuah mbo jo Tuan, kan baitu bana lalunyo tuan..?
Sutan Maha Rajo
:
Nan yo bana Mantari..
Sutan Mantari
:
Ma Tuan..?
Sutan Maha Rajo
:
Lai
Sutan Mantari
:
Sapanjang buah parundingan tuan nan taranta ka bake ambo alah dilingkuang barih jo balabeh, tapi sungguahpun baitu, lamak siriah lega carano, lamak kato lega bunyi, ambo bao kato tuan manjapuian ka buah barinyo kabake silang nan bapangka karajo nan bapukok sarato niniak mamak urang sapuluah lai ko bana kato nan baitu..?
Sutan Maha Rajo
:
Mulo kato dianta ka tangah, barek bakisa nan ringan jauah bakisa ka nan ampia, bao lah rudiang jo baiyo mbo nanti.
Sutan Mantari
:
Ambo mambao rundiang jo baiyo, Tuan mananti jo buah panitahan lai kasaba..?
Sutan Maha Rajo
:
Sakiro-kiro
Sutan Mantari
:
Nyiak Datuak Barbanso…! Dak barudiang sapatah jo inyiak ..!
Datuak Barbanso
:
Lai sabuik sutan
Sutan Mantari
:
Sabalun buah panitahan ambo tiboan ka bake inyiak, dak tatapiak mato padang, dak tasanggah mato hari rela jo maaf mbo mintak ka bake inyiak, A nan kamanjadi buah panitahan ka bake inyiak kiniko dibisiak nan kadangaran imbau nan kalampauan buah barinyo mbo japuikan ka inyiak..!
Datuak Barbanso
:
Sampai sutan..?
Sutan Mantari
:
Sakiro-kiro nyiak
Datuak Barbanso
:
A nan kamanjadi buah panitahan di sutan ka bake ambo kiniko dibisiak nan kadangaran imbau nan kalampauan buah barinyo bajapuian ka bake ambo, kan baitu bana lalunyo sutan..?
Sutan Mantari
:
Nan yo bana nyiak..
Datuak Barbanso
:
Ma sutan..?
Sutan Mantari
:
Lai
Datuak Barbanso
:
Cuma nyo ambo kabake sutan kiniko, biaso juo, kato surang dibulek an, kato basamo dipaiyoan, jawabnyo sajo mbo adoan
Sutan Mantari
:
Rancak nyiak
Datuak Barbanso
:
Jawabnyo, kandak biaso buliah, pintak biaso balaku / bapambarian lah sutan satantang tu ambo mamba gadang maanjuang tinggi, kok ado tukuak jo tambahnyo bana basarahan ka bake sutan.
Sutan Mantari
:
Lah sampai nyiak ?
Datuak Barbanso
:
Sakiro-kiro
Sutan Mantari
:
Cuma nyo inyiak kabake ambo kiniko, biaso juo, kato surang dibulek an, kato basamo dipaiyoan, jawabnyo sajo inyiak adoan, Jawabnyo, kandak biaso buliah, pintak biaso balaku / bapambarian lah ambo satantang tu inyiak mamba gadang maanjuang tinggi, kok ado tukuak jo tambahnyo bana basarahan ka bake ambo. Kan baitu bana lalunyo nyiak ?
Datuak Barbanso
:
Sakiro-kiro
Sutan Mantari
:
Nan di juluak lah lareh, nan dijapuik lah tibo, hujan ko bapuun paneh ko barasa ambo kumbalian ka asanyo nyiak
Datuak Barbanso
:
Sutan mangumbalian ka asanyo nan parundiangan kito
Sutan Mantari
:
Kito bari bateh
Sutan Mantari
:
Tuan Maha Rajo.. Parundingan kumbali
Sutan Maha Rajo
:
Sabuik Sutan..
Sutan Mantari
:
Di hari nan sabantako ambo lah mambao rundiang jo baiyo ka bake silang nan bapangka , karajo nan bapokok, karakok nan bajunjuang sarato niniak mamak urang sapuluh.
Sutan Maha Rajo
:
Iyo… lah
Sutan Mantari
:
Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake ambo, ambo baanta ka Tuan, lai iko bana ka dianta…?
Sutan Maha Rajo
:
Rancak
Sutan Mantari
:
Antanyo bapambarian lah tuan satantang itu, a nan taonyok tabarian di tuan nan ambo lah sabalah siko, mamba gadang maanjuang tinggi, kok ado tukuak tambahnyo, bana basarahan kabake Tuan. Ko lah kabanaran nan ambo anta sampai ka tuan.
Sutan Maha Rajo
:
Lah sampai sutan..?
Sutan Mantari
:
Sakiro-kiro
Sutan Maha Rajo
:
Di hari nan sabantako sutan lah mambao rudiang jo baiyo kabake silang nan bapangka, karajo nan bapokok, karakok nan bajunjuang sarato niniak mamak urang sapuluh, Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake sutan, sutan baanta ka ambo, kan baitu bana lalunyo sutan…?
Sutan Mantari
:
Nan iyo bana sutan
Sutan Maha Rajo
:
Ma sutan ?
Sutan Mantari
:
Lai
Sutan Maha Rajo
:
Nan di juluak lah lareh, nan dijapuik lah tibo, hujan ko bapuun paneh ko barasa ambo kumbalian ka asanyo sutan ?
Sutan Mantari
:
Tuan mangumbalian ka asanyo nan parundiangan kito ?
Sutan Maha Rajo
:
Kito bari bateh
Sutan Maha Rajo
:
Sutan Batuah… ! Parundingan kumbali
Sutan Batuah
:
Lai, sabuik
Sutan Maha Rajo
:
Di hari nan sabantako ambo lah mambao rundiang jo baiyo ka bake silang nan bapangka , karajo nan bapokok, karakok nan bajunjuang sarato niniak mamak urang sapuluh.
Sutan Mantari
:
Iyo…lah
Sutan Maha Rajo
:
Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake ambo, ambo baanta ka Sutan, lai iko bana ka dianta…?
Sutan Batuah
:
Rancak
Sutan Maha Rajo
:
Antanyo, kandak biaso buliah pintak biaso balaku, tapi lambak lampisan di ateh itu cupak tatagak baisi saujuik samukasuik jo silang nan bapangka ko sutan..!
Sutan Batuah
:
Sampai sutan
Sutan Maha Rajo
:
Sakiro-kiro
Sutan Batuah
:
Di hari nan sabantako sutan lah mambao rundiang jo baiyo ka bake sitampuah lalu sabondong suruik, sarato niniak mamak urang sapuluh.
Sutan Maha Rajo
:
Iyo…lah
Sutan Batuah
:
Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake sutan, sutan baanta ka ambo, antanyo Antanyo, kandak biaso buliah pintak biaso balaku, tapi lambak lampisan di ateh itu cupak tatagak baisi saujuik samukasuik jo silang nan bapangka ko sutan..! kan baitu bana lalunyo sutan?
Sutan Maha Rajo
:
Nan iyo bana sutan..
Sutan Batuah
:

Sutan Maha Rajo
:
Sampai sutan ?
Sutan Batuah
:

Sutan Maha Rajo
:

Sutan Batuah
:

Sutan Maha Rajo
:

Sutan Batuah
:

Sutan Mahara Rajo
:

Sutan Batuah
:

Sutan Batuah
:

Sutan Maha Rajo
:

Sutan Batuah
:


PANITAHAN TARAGAK TAKANA

Sutan Batuah
:
Sutan Maha Rajo…! Nak manitah sapatah
Sutan Maha Rajo
:
Lai… sabalun kato bajawek gayuang basambuik ambo pa iyoan sapatah
Sutan Maha Rajo
:
(mampaiyoan ka sipangka ) Ba a tu Malin..! lah tibo pulo ulak jo olay dari satampuah lalu sabondong suruik.
Malin
:
Biaso kato bajawek gayuang basambuik..
Sutan Maha Rajo
:
Singkek bauleh, kurang batukuak
Malin
:
Kapado Allah..
Sutan Maha Rojo
:
Laluanlah kato baliau Sutan Batuah..!
Sutan Batuah
:
Sabalun buah panitahan mbo tiboan ka bake sutan, adaik kito barudiang di dapan niniak jo mamak angku sagalo guru rela jo maaf kito mintak kabake baliau, buah panitahan mbo tiboan ka bake sutan.
Sutan Maha Rajo
:
Sabuik Sutan
Sutan Batuah
:
A nan kamanjadi buah panitahan ka bake sutan kiniko, ma agak samaso di hari di lain hari, antaro urang duo suku, janji babuek padan baukua, ba a di hari kini, hari elok katiko baiak, janji babuek badapati, kara bamuliaan, turun ditanggo, labuah nan golong lah batampuah, jalan nan pasa lah paturuik, babiduak manahkodoh, bajalan banan tuo, tibo dikelok lah bakelokkan, lah tibo di tangah hilaman, pasia takaka lah bapijak, aia takanang lah bacibuak, janjang batingkek, bandua badamiak, lah tibo di tangah rumah, lapiak takambang lah bakaduduki, dibilang duduak lah saedaran, dibilang tagak lah sahamparan, rokok bagiliang lah baisok, tapi lambak lampisan di ateh itu buah panitahan nan batiboan ka bake sutan, kok lai taragak takana, takilan di hati, kami dari silang nan bapangka lah patuik di katangahkan kaduo balun, ko lah buah panitahan nan ba anta sampai ka bake sutan.
Sutan Maha Rajo
:
Tibonyo lah sampai sutan..?
Sutan Batuah
:
Sakiro-kiro
Sutan Maha Rajo
:
Sabalun buah panitahan mbo kumbalian ka bake sutan, adaik kito barudiang di dapan niniak jo mamak angku sagalo guru rela jo maaf kito mintak kabake baliau, buah panitahan mbo kumbalian ka bake sutan.
Sutan Batuah
:
Bana Sutan
Sutan Maha Rajo
:
A nan kamanjadi buah panitahan sutan bake ambo kiniko, ma agak samaso di hari di lain hari, antaro urang duo suku, janji babuek padan baukua, ba a di hari kini, hari elok katiko baiak, janji babuek badapati, kara bamuliaan, turun ditanggo, labuah nan golong lah batampuah, jalan nan pasa lah paturuik, babiduak manahkodoh, bajalan banan tuo, tibo dikelok lah bakelokkan, lah tibo di tangah hilaman, pasia takaka lah bapijak, aia takanang lah bacibuak, janjang batingkek, bandua badamiak, lah tibo di tangah rumah, lapiak takambang lah bakaduduki, dibilang duduak lah saedaran, dibilang tagak lah sahamparan, rokok bagiliang lah baisok, tapi lambak lampisan di ateh itu buah panitahan nan batiboan ka bake sutan, kok lai taragak takana, takilan di hati, kami dari silang nan bapangka lah patuik di katangahkan kaduo balun, kan baitu bana lalunyo buah panitahan sutan.?
Sutan Batuah
:
Nan Yo bana Sutan
Sutan Maha Rajo
:
Ma…. Sutan Batuah..?
Sutan Batuah
:
Lai
Sutan Maha Rajo
:
Sapanjang buah panitahan sutan nan taranda ka bake ambo, alah dalam adaik nan bapakai, lah dalam cupak nan baisi, tapi sunguahpun baitu nan bana kato baiyo, nan rajo kato mupakai, lamak siriah lega carano, lamak kato lega bunyi, ambo bao kato tuan tadi rudiang jo baiyo ka bake silang nan bapangka karajo nan bapokok, karakok nan bajunjuang/baniah nan batampang sarato niniak mamak urang sapuluah sabalah siko, lai ko bana kato nan baitu…?
Sutan Batuah
:
Mulo kato dianta ka tangah, barek bakisa nan ringan jauah bakisa ka nan ampia, bao lah rudiang jo baiyo mbo nanti.
Sutan Maha Rajo
:
Ambo mambao rundiang jo baiyo, sutan mananti jo buah panitahan lai kasaba..?
Sutan Batuah
:
Sakiro-kiro
Sutan Maha Rajo
:
Sutan Mantari…! Dak barudiang sapatah sutan ..!
Sutan Mantari
:
Lai sabuik tuan
Sutan Maha Rajo
:
A nan kamanjadi buah panitahan ka bake sutan kiniko dibisiak nan kadangaran imbau nan kalampauan buah barinyo duduak baiyo tagak baramuah mbo jo sutan..!
Sutan Mantari
:
Sampai Tuan..?
Sutan Maha Rajo
:
Sakiro-kiro
Sutan Mantari
:
A nan kamanjadi buah panitahan tuan ka bake ambo kiniko dibisiak nan kadangaran imbau nan kalampauan buah barinyo duduak baiyo tagak baramuah mbo jo Tuan, kan baitu bana lalunyo tuan..?
Sutan Maha Rajo
:
Nan yo bana Mantari..
Sutan Mantari
:
Ma Tuan..?
Sutan Maha Rajo
:
Lai
Sutan Mantari
:
Sapanjang buah parundingan tuan nan taranta ka bake ambo alah dilingkuang barih jo balabeh, tapi sungguahpun baitu, lamak siriah lega carano, lamak kato lega bunyi, ambo bao kato tuan manjapuian ka buah barinyo kabake silang nan bapangka karajo nan bapukok sarato niniak mamak urang sapuluah lai ko bana kato nan baitu..?
Sutan Maha Rajo
:
Mulo kato dianta ka tangah, barek bakisa nan ringan jauah bakisa ka nan ampia, bao lah rudiang jo baiyo mbo nanti.
Sutan Mantari
:
Ambo mambao rundiang jo baiyo, Tuan mananti jo buah panitahan lai kasaba..?
Sutan Maha Rajo
:
Sakiro-kiro
Sutan Mantari
:
Nyiak Datuak Barbanso…! Dak barudiang sapatah jo inyiak ..!
Datuak Barbanso
:
Lai sabuik sutan
Sutan Mantari
:
Sabalun buah panitahan ambo tiboan ka bake inyiak, dak tatapiak mato padang, dak tasanggah mato hari rela jo maaf mbo mintak ka bake inyiak, A nan kamanjadi buah panitahan ka bake inyiak kiniko dibisiak nan kadangaran imbau nan kalampauan buah barinyo mbo japuikan ka inyiak..!
Datuak Barbanso
:
Sampai sutan..?
Sutan Mantari
:
Sakiro-kiro nyiak
Datuak Barbanso
:
A nan kamanjadi buah panitahan di sutan ka bake ambo kiniko dibisiak nan kadangaran imbau nan kalampauan buah barinyo bajapuian ka bake ambo, kan baitu bana lalunyo sutan..?
Sutan Mantari
:
Nan yo bana nyiak..
Datuak Barbanso
:
Ma sutan..?
Sutan Mantari
:
Lai
Datuak Barbanso
:
Cuma nyo ambo kabake sutan kiniko, biaso juo, kato surang dibulek an, kato basamo dipaiyoan, jawabnyo sajo mbo adoan
Sutan Mantari
:
Rancak nyiak
Datuak Barbanso
:
Jawabnyo, kandak biaso buliah, pintak biaso balaku / bapambarian lah sutan satantang tu ambo mamba gadang maanjuang tinggi, kok ado tukuak jo tambahnyo bana basarahan ka bake sutan.
Sutan Mantari
:
Lah sampai nyiak ?
Datuak Barbanso
:
Sakiro-kiro
Sutan Mantari
:
Cuma nyo inyiak kabake ambo kiniko, biaso juo, kato surang dibulek an, kato basamo dipaiyoan, jawabnyo sajo inyiak adoan, Jawabnyo, kandak biaso buliah, pintak biaso balaku / bapambarian lah ambo satantang tu inyiak mamba gadang maanjuang tinggi, kok ado tukuak jo tambahnyo bana basarahan ka bake ambo. Kan baitu bana lalunyo nyiak ?
Datuak Barbanso
:
Sakiro-kiro
Sutan Mantari
:
Nan di juluak lah lareh, nan dijapuik lah tibo, hujan ko bapuun paneh ko barasa ambo kumbalian ka asanyo nyiak
Datuak Barbanso
:
Sutan mangumbalian ka asanyo nan parundiangan kito
Sutan Mantari
:
Kito bari bateh
Sutan Mantari
:
Tuan Maha Rajo.. Parundingan kumbali
Sutan Maha Rajo
:
Sabuik Sutan..
Sutan Mantari
:
Di hari nan sabantako ambo lah mambao rundiang jo baiyo ka bake silang nan bapangka , karajo nan bapokok, karakok nan bajunjuang sarato niniak mamak urang sapuluh.
Sutan Maha Rajo
:
Iyo… lah
Sutan Mantari
:
Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake ambo, ambo baanta ka Tuan, lai iko bana ka dianta…?
Sutan Maha Rajo
:
Rancak
Sutan Mantari
:
Antanyo bapambarian lah tuan satantang itu, a nan taonyok tabarian di tuan nan ambo lah sabalah siko, mamba gadang maanjuang tinggi, kok ado tukuak tambahnyo, bana basarahan kabake Tuan. Ko lah kabanaran nan ambo anta sampai ka tuan.
Sutan Maha Rajo
:
Lah sampai sutan..?
Sutan Mantari
:
Sakiro-kiro
Sutan Maha Rajo
:
Di hari nan sabantako sutan lah mambao rudiang jo baiyo kabake silang nan bapangka, karajo nan bapokok, karakok nan bajunjuang sarato niniak mamak urang sapuluh, Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake sutan, sutan baanta ka ambo, kan baitu bana lalunyo sutan…?
Sutan Mantari
:
Nan iyo bana sutan
Sutan Maha Rajo
:
Ma sutan ?
Sutan Mantari
:
Lai
Sutan Maha Rajo
:
Nan di juluak lah lareh, nan dijapuik lah tibo, hujan ko bapuun paneh ko barasa ambo kumbalian ka asanyo sutan ?
Sutan Mantari
:
Tuan mangumbalian ka asanyo nan parundiangan kito ?
Sutan Maha Rajo
:
Kito bari bateh
Sutan Maha Rajo
:
Sutan Batuah… ! Parundingan kumbali
Sutan Batuah
:
Lai, sabuik
Sutan Maha Rajo
:
Di hari nan sabantako ambo lah mambao rundiang jo baiyo ka bake silang nan bapangka , karajo nan bapokok, karakok nan bajunjuang sarato niniak mamak urang sapuluh.
Sutan Mantari
:
Iyo…lah
Sutan Maha Rajo
:
Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake ambo, ambo baanta ka Sutan, lai iko bana ka dianta…?
Sutan Batuah
:
Rancak
Sutan Maha Rajo
:
Antanyo, sapanjang adaik nan batatiang ka tangah rumah iyo kabatarimo suko jo muluik nan manih jo hati nan suci, iko lah buah bari baliau nan ambo anta sampai ka bake tuan. (Tapi kalau seandainyo ingin tahu lebih jauah dapek juo ditambah, dengan syaraik tidak pada semua situasi) tapi lambak lampisan di ateh itu, parundiangan nan batiboan ka sutan biaso juo, lakuang batinjau, kalam basigi, kurang siang bak hari, kurang tarang bak bulan, ateh anak banamo duo tigo, iyo mintak ditarangan.
Sutan Batuah
:
Sampai sutan
Sutan Maha Rajo
:
Sakiro-kiro
Sutan Batuah
:
Di hari nan sabantako sutan lah mambao rundiang jo baiyo ka bake silang nan bapangka , karajo nan bapokok, karakok nan bajunjuang sarato niniak mamak urang sapuluh.
Sutan Maha Rajo
:
Iyo…lah
Sutan Batuah
:
Lah dapek picak satapiak bulek sagiliang, picak lah dapek dilayangkan, bulek lah dapek digolekkan, gantiang putuih biang tabuak dibaliau baanta ka bake sutan, sutan baanta ka ambo, antanyo sapanjang adaik nan batatiang ka tangah rumah iyo kabatarimo suko jo muluik nan manih jo hati nan suci, tapi lambak lampisan di ateh itu, parundiangan nan batiboan ka ambo kiniko biaso juo, lakuang batinjau, kalam basigi, kurang siang bak hari, kurang tarang bak bulan, ateh anak banamo duo tigo, iyo mintak ditarangan kan baitu bana lalunyo sutan…?
Sutan Maha Rajo
:
Nan iyo bana sutan..
Sutan Batuah
:

Sutan Maha Rajo
:
Sampai sutan ?
Sutan Batuah
:
Sakiro-kiro
Sutan Maha Rajo
:

Sutan Batuah
:
Nan iyo bana
Sutan Maha Rajo
:

Sutan Batuah
:

Sutan Mahara Rajo
:

Sutan Batuah
:

Sutan Batuah
:

Sutan Maha Rajo
:
Nan parundingan kito..?
Sutan Batuah
:
Kito bari Bateh.